தேசிய சீனியர் மகளிர் ஆக்கி: அரியானா, ஜார்கண்ட் அணிகள் இறுதிப்போட்டிக்கு முன்னேற்றம்

பஞ்ச்குலா,

தேசிய சீனியர் மகளிர் ஆக்கி சாம்பியன்ஷிப் தொடர் அரியானா மாநிலம் பஞ்ச்குலாவில் நடைபெற்று வருகிறது. இந்த தொடர் இறுதி கட்டத்தை எட்டியுள்ளது. இதில் பங்கேற்றுள்ள அணிகள் 'ஏ' 'பி' 'சி' என்று 3 டிவிசன்களாக பிரிக்கப்பட்டு லீக் மற்றும் காலிறுதி சுற்றுகளின் முடிவில் அரியானா, மிசோரம், மராட்டியம் மற்றும் ஜார்கண்ட் ஆகிய அணிகள் அரையிறுதிக்கு முன்னேறின

அரையிறுதியில் மிசோரம் அணியை 0-4 என்ற கோல் கணக்கில் வீழ்த்தி அரியானாவும், மராட்டியத்தை சூட் அவுட்டில் 2-3 என்ற கோல் கணக்கில் வீழ்த்தி ஜார்கண்ட் அணியும் இறுதிப்போட்டிக்கு தகுதி பெற்றுள்ளன.