தீபாவளி பட்டாசு, மளிகை தொகுப்பு கூட்டுறவு துறை சார்பில் ரூ.20 கோடிக்கு விற்பனை: அமைச்சர் பெரியகருப்பன் தகவல்

கூட்டுறவுத் துறை சார்பில் தீபாவளியை முன்னிட்டு, பட்டாசு மற்றும் தீபாவளி சிறப்பு தொகுப்பு ஆகியவை ரூ.20.47 கோடிக்கு விற்பனை செய்யப்பட்டுள்ளதாக அமைச்சர் கே.ஆர்.பெரியகருப்பன் தெரிவித்துள்ளார்.

இதுகுறித்து அவர் நேற்று வெளியிட்ட செய்திக்குறிப்பில் கூறியிருப்பதாவது: அக்.31-ம் தேதி தீபாவளி பண்டிகையை அனைத்து தரப்பு மக்களுக்கும் சிறப்பாக கொண்டாடும் வகையில், முதல்வர் மு.க.ஸ்டாலின் உத்தரவுப்படி, கூட்டுறவுத்துறையின் மூலம் பட்டாசு மற்றும் ‘கூட்டுறவு கொண்டாட்டம்’ என்ற தீபாவளி சிறப்புத் தொகுப்பு விற்பனை நடைபெற்றது.