திருவாலங்காடு ஒன்றியத்தில் அதிமுக.வினருக்கு புதுப்பிக்கப்பட்ட உறுப்பினர் அடையாள அட்டைகள்

திருத்தணி: திருவள்ளூர் மாவட்டம், திருவாலங்காடு ஒன்றியத்தில் சிவ்வாடா, நெமிலி, என்.என்.கண்டிகை, நல்லாட்டூர், பூனிமாங்காடு, தாழவேடு ஆகிய கிராமங்களில் அதிமுக சார்பில், அக்கட்சியின் உறுப்பினர்களுக்கு புதுப்பிக்கப்பட்ட அடையாள அட்டைகள் வழங்கும் நிகழ்ச்சிகள் நேற்று நடைபெற்றது. இந்நிகழ்ச்சிகளுக்கு திருவாலங்காடு ஒன்றிய செயலாளர் என்.சக்திவேல் தலைமை வகித்தார். இதில், திருவள்ளூர் மேற்கு மாவட்ட செயலாளர், முன்னாள் அமைச்சர் பி.வி.ரமணா, மாநில அமைப்பு செயலாளர், முன்னாள் எம்.பி. திருத்தணி கோ.அரி, மாணவரணி செயலாளர், பார்வையாளர் எஸ்.ஆர். விஜயகுமார் ஆகியோர் கலந்துகொண்டு புதுப்பிக்கப்பட்ட உறுப்பினர் அடையாள அட்டைகளை வழங்கினர். அதிமுக ஆட்சியில் செயல்படுத்தப்பட்ட திட்டங்களை மக்களிடத்தில் கொண்டு செல்ல வேண்டும். 2026ம் ஆண்டு நடைபெற உள்ள சட்டமன்ற தேர்தலில் வெற்றி பெறுவதற்கான அனைத்து பணிகளையும் அந்தந்த பகுதி கிளை செயலாளர்கள் மற்றும் நிர்வாகிகள் ஒருங்கிணைந்து பாடுபட வேண்டும் என்று ஆலோசனைகள் வழங்கப்பட்டது. திருத்தணி கூட்டுறவு சர்க்கரை ஆலை முன்னாள் தலைவர் பொன்னுரங்கம், தாழவேடு வெங்கடேசன், வடிவேலு உள்ளிட்டோர் கலந்துகொண்டனர்.

The post திருவாலங்காடு ஒன்றியத்தில் அதிமுக.வினருக்கு புதுப்பிக்கப்பட்ட உறுப்பினர் அடையாள அட்டைகள் appeared first on Dinakaran.