திண்டுக்கல் மாவட்ட மகளிர் ஹாக்கி அணி தேர்வு இன்று நடைபெறுகிறது

திண்டுக்கல், நவ. 6: திண்டுக்கல்லில் மாவட்ட மகளிர் ஹாக்கி அணிக்கான தேர்வு இன்று நடைபெறுகிறது என மாவட்ட ஹாக்கி சங்க செயலாளர் ராமானுஜம் தெரிவித்துள்ளார். இதுகுறித்து அவர் தெரிவித்துள்ளதாவது: ஹாக்கி யூனிட் ஆப் தமிழ்நாடு சார்பில் நடத்தப்படும், மாநில அளவிலான சப் ஜூனியர் மகளிர் ஹாக்கி போட்டி நவ.11,12ம் தேதி திருநெல்வேலி மாவட்டத்தில் நடைபெற உள்ளது.

இதில் கலந்து கொள்ளும் திண்டுக்கல் மாவட்ட மகளிர் அணிக்கான தேர்வு இன்று (நவ. 6) மலைக்கோட்டை மாவட்ட விளையாட்டு மைதானத்தில் மாலை 3 மணிக்கு நடைபெற உள்ளது. இதில் கலந்து கொள்பவர்கள் 01.01.2008 பிறகு பிறந்தவர்களாக இருக்க வேண்டும். வீரர்களை கன்வீனர் ஞானகுரு, பொருளாளர் விக்டர் ராஜ் தேர்வு செய்கின்றனர் என தெரிவித்துள்ளார்.

The post திண்டுக்கல் மாவட்ட மகளிர் ஹாக்கி அணி தேர்வு இன்று நடைபெறுகிறது appeared first on Dinakaran.