தி.மு.க. மாவட்ட செயலாளர்கள் கூட்டம் - இன்று நடக்கிறது

சென்னை,

தமிழ்நாடு சட்டசபை தேர்தலுக்கு இன்னும் 10 மாதங்களே உள்ளது. தேர்தல் நெருங்கியதை அடுத்து அரசியல் கட்சிகள் தேர்தல் பணிகளில் தீவிரம் காட்டி வருகின்றன. அதில் ஒரு பகுதியாக ஆளுங்கட்சியான திமுக முன்கூட்டியே தயாராகி வருகிறது.

இந்த நிலையில், முதல்-அமைச்சர் மு.க.ஸ்டாலின் தலைமையில் இன்று திமுக மாவட்ட செயலாளர்கள் கூட்டம் நடைபெற உள்ளது. இதற்கான அறிவிப்பை கட்சியின் பொதுச் செயலாளர் துரைமுருகன் வெளியிட்டிருந்தார்.

இதுதொடர்பான செய்திக் குறிப்பில் கூறியிருப்பதாவது:-

தி.மு.க. தலைவர் மு.க.ஸ்டாலின் தலைமையில், தி.மு.க. மாவட்ட செயலாளர்கள், எம்.பி., எம்.எல்.ஏ.க்கள், சார்பு அணிச் செயலாளர்கள், தொகுதி பார்வையாளர்கள் கூட்டம் 28-ந்தேதி (இன்று) மாலை 6 மணிக்கு நடக்கிறது.

காணொலி காட்சி வாயிலாக நடைபெறும் இந்த கூட்டத்தில் அனைவரும் தவறாமல் கலந்து கொள்ள வேண்டும். இந்த கூட்டம் "ஓரணியில் தமிழ்நாடு-உறுப்பினர் சேர்க்கை'' ஆகிய பொருளை மையமாக கொண்டு நடைபெறும்.

இவ்வாறு அதில் தெரிவிக்கப்பட்டிருந்தது.