தவெக அறிக்கையும், தளவாய் சேர்க்கையும்: பாஜக-வுக்கு பச்சைக் கொடி காட்டுகிறாரா பழனிசாமி?

கன்னியாகுமரியில் ஆர்எஸ்எஸ் பேரணியை தொடங்கி வைத்தார் என்பதால் தளவாய் சுந்தரத்தை அதிமுக அமைப்புச் செயலாளர் பொறுப்பிலிருந்தும் குமரி கிழக்கு மாவட்ட அதிமுக செயலாளர் பொறுப்பிலிருந்தும் அக்டோபர் 8-ம் தேதி அதிரடியாய் தூக்கினார் பழனிசாமி.

பாஜகவுடன் அதிமுக அனுசரணையாக இல்லை என்பதைக் காட்டுவதற்காக இந்தத் தடாலடி நடவடிக்கையை எடுத்தார். இந்த நிலையில், பறிக்கப்பட்ட பதவிகளை மீண்டும் இப்போது தளவாய்க்கு அளித்திருப்பதன் மூலம் பல்வேறு ஊகங்களுக்கு வழிவகுத்திருக்கிறார் பழனிசாமி.