தனியார் பேருந்தில் குட்கா கடத்தியவர் கைது

திருத்தணி: திருத்தணி அருகே, சென்னை-திருப்பதி தேசிய நெடுஞ்சாலை, பொன்பாடி சோதனைச் சாவடியில் மதுவிலக்கு அமல் பிரிவு போலீசார் நேற்று வாகன சோதனையில் ஈடுபட்டனர். அப்போது, ஆந்திர மாநிலம் திருப்பதியிலிருந்து, காஞ்சிபுரம் நோக்கிச் சென்ற தனியார் பேருந்தை சோதனை செய்தனர். அப்போது பேருந்தில் பயணித்த சென்னை கொருக்குப்பேட்டையைச் சேர்ந்த காசிராஜன் (39) என்பவரிடமிருந்து, தமிழக அரசால் தடை செய்யப்பட்ட சுமார் 10 கிலோ புகையிலை பொருட்களை போலீசார் பறிமுதல் செய்தனர்.

விசாரணையில், ஆந்திர மாநிலம் நகரியில் புகையிலையை வாங்கிக்கொண்டு காஞ்சிபுரத்திற்கு விற்பனைக்காக கொண்டு சென்றது தெரியவந்தது. இதனையடுத்து, காசிராஜனை கைது செய்து, நீதிமன்றத்தில் ஆஜர்படுத்தி சிறையில் அடைத்தனர்.

The post தனியார் பேருந்தில் குட்கா கடத்தியவர் கைது appeared first on Dinakaran.