தங்கம் விலை பவுனுக்கு ரூ.160 குறைந்தது

சென்னை: தங்கம் விலை நேற்று பவுனுக்கு ரூ.160 குறைந்து ரூ.70,040க்கு விற்பனையானது. தங்கம் விலை கடந்த சில நாள்களாக ஏற்றம், இறக்கத்துடன் காணப்பட்டு வருகிறது. இதன் ஒரு பகுதியாக அட்சதிரிதியையான கடந்த 30ம் தேதி அன்று தங்கம் விலை ஒரு பவுன் ரூ.71,840க்கு விற்பனையானது. அட்சதிரிதியை மறுநாளான மே 1ம் தேதி (நேற்று முன்தினம்) தங்கம் விலை அதிரடி சரிவை சந்தித்தது. அன்றைய தினம் தங்கம் விலை பவுனுக்கு ரூ.1,640 குறைந்து ஒரு பவுன் ரூ.70,200-க்கும் விற்பனையானது.

இந்த நிலையில் நேற்றும் தங்கம் விலை சற்று குறைந்தது. நேற்று தங்கம் விலை கிராமுக்கு ரூ.20 குறைந்து ஒரு கிராம் ரூ.8,775க்கும், பவுனுக்கு ரூ.160 குறைந்து ஒரு பவுன் ரூ.70,040க்கும் விற்பனையானது. அதேநேரத்தில் வெள்ளி விலை கிராமுக்கு ரூ.2 உயர்ந்து ஒரு கிராம் ரூ.109க்கும், ஒரு கிலோ (கட்டி வெள்ளி) ரூ.2,000 உயர்ந்து ரூ.1,09,000-க்கும் விற்பனையானது.

The post தங்கம் விலை பவுனுக்கு ரூ.160 குறைந்தது appeared first on Dinakaran.