தங்கம் விலை 2-வது நாளாக குறைவு - இன்றைய நிலவரம் என்ன?

சென்னை,

தங்கம் விலை இந்த மாதம் தொடக்கத்தில் இருந்து ஏற்ற இறக்கத்துடனேயே இருந்து வருகிறது. கடந்த 14-ந்தேதி ஒரே நாளில் பவுனுக்கு ரூ.1,440 உயர்ந்து ரூ.66,400 என்ற உச்சத்தை தொட்டது. அதன் பின்னர் ஓரிரு நாட்களாக விலை குறைந்து வந்த நிலையில், கடந்த 18-ந்தேதியில் இருந்து மீண்டும் ஏறுமுகத்தில் இருந்து வந்தது.

இந்த நிலையில், நேற்றைய தினம் தங்கம் விலை சற்று குறைந்தது. அதன்படி, கிராமுக்கு ரூ.40 குறைந்து ஒரு கிராம் 8 ஆயிரத்து 270 ரூபாய்க்கும், பவுனுக்கு ரூ.320 குறைந்து ஒரு பவுன் 66 ஆயிரத்து 160 ரூபாய்க்கும் விற்பனை செய்யப்பட்டது. அதே போல் வெள்ளி விலை கிராமுக்கு ரூ.2 குறைந்து, ஒரு கிராம் வெள்ளி 112 ரூபாய்க்கும், ஒரு கிலோ வெள்ளி 1,12,000 ரூபாய்க்கும் விற்பனை செய்யப்பட்டது.

இந்நிலையில், தங்கம் விலை 2-வது நாளாக இன்று குறைந்துள்ளது. அதன்படி சென்னையில் இன்று தங்கம் விலை கிராமுக்கு ரூ.40 குறைந்து ஒரு கிராம் 8 ஆயிரத்து 230 ரூபாய்க்கும், பவுனுக்கு ரூ.320 குறைந்து ஒரு பவுன் 65 ஆயிரத்து 840 ரூபாய்க்கும் விற்பனை செய்யப்படுகிறது. அதே போல், வெள்ளி கிராமுக்கு ரூ.2 குறைந்து, ஒரு கிராம் வெள்ளி 110 ரூபாய்க்கும், ஒரு கிலோ வெள்ளி 1,10,000 ருபாய்க்கும் விற்பனை செய்யப்பட்டு வருகிறது.