டெல்லி தேர்தலில் பாஜக வெற்றி; அடுத்த முதல்வர் யார் என்பது குறித்து இன்று ஆலோசனை!

டெல்லி: டெல்லி தேர்தலில் பாஜக வென்ற நிலையில் அடுத்த முதல்வர் யார் என்பது குறித்து இன்று ஆலோசனை நடைபெறவுள்ளது. பர்வேஷ் சர்மா, பன்சூரி ஸ்வராஜ், வீரேந்திர சச்தேவா முதல்வர் பதவிக்கான போட்டியில் உள்ளனர்; பாஜக தேசிய செயலர் துஷ்யந்த் கவுதம், மனோஜ் திவாரி எம்பி உள்ளிட்டோர் பெயர்களும் பரிசீலனை செய்யப்படுகிறது.

70 தொகுதிகளை கொண்ட டெல்லி சட்டப்பேரவையின் பதவி காலம் நிறைவடையவுள்ள நிலையில், புதிய அரசை தேர்ந்தெடுப்பதற்காக தேர்தல் கடந்த 2ம் தேதி நடைபெற்றது. வாக்கு எண்ணிக்கை நேற்று நடைபெற்ற நிலையில், தொடக்கம் முதலே டெல்லி சட்டப்பேரவை தேர்தலில் பாஜக முன்னிலை வகித்தது. இறுதிகட்ட முடிவின் படி பாஜக 48 இடங்களிலும், ஆம் ஆத்மி 22 இடங்களிலும் வெற்றி பெற்றது.

இதன் மூலம் 27 வருடங்களுக்கு பின்னர் டெல்லியில் பாஜக ஆட்சியை பிடித்துள்ளது. புதுடெல்லி தொகுதியில் போட்டியிட்ட ஆம் ஆத்மி கட்சியின் ஒருங்கிணைப்பாளரும், முன்னாள் முதலமைச்சருமான அரவிந்த் கெஜ்ரிவால் தோல்வியை தழுவியுள்ளார். புதுடெல்லி தொகுதியில் கெஜ்ரிவாலை வீழ்த்திய பர்வேஷ் முதல்வராக வாய்ப்பு? உள்ளதாக தகவல் வெளியானது.

இந்நிலையில், டெல்லி தேர்தலில் பாஜக வென்ற நிலையில் அடுத்த முதல்வர் யார் என்பது குறித்து இன்று ஆலோசனை நடைபெறவுள்ளது. பர்வேஷ் சர்மா, பன்சூரி ஸ்வராஜ், வீரேந்திர சச்தேவா உள்ளிட்டோர் டெல்லி முதல்வர் பதவிக்கான போட்டியில் உள்ளனர். பாஜக தேசிய செயலர் துஷ்யந்த் கவுதம், மனோஜ் திவாரி எம்பி உள்ளிட்டோர் பெயர்களும் பரிசீலனையில் உள்ளதாக தகவல் வெளியாகியுள்ளது.

The post டெல்லி தேர்தலில் பாஜக வெற்றி; அடுத்த முதல்வர் யார் என்பது குறித்து இன்று ஆலோசனை! appeared first on Dinakaran.