“டங்ஸ்டன் விவகாரத்தில் அதிமுக மீது ஸ்டாலின் பழிசுமத்துகிறார்” - தம்பிதுரை எம்.பி காட்டம்

புதுடெல்லி: தனது தவறுகளை மறைப்பதற்காக அதிமுக மீது முதல்வர் ஸ்டாலின் பழியை சுமத்துவதாக அதிமுக எம்.பி தம்பிதுரை கண்டனம் தெரிவித்துள்ளார்.

இது குறித்து அதிமுகவின் கொள்கை பரப்பு செயலாளரும், மாநிலங்களவையின் எம்பியுமான தம்பிதுரை வெளியிட்டுள்ள அறிக்கையில், “சுயநலத்தின் விளைநிலமாக திகழும் தி.மு.க தலைவர் மு.க.ஸ்டாலின், டங்ஸ்டன் சுரங்க ஏல விவகாரத்தில் அதிமுகவும், நாடாளுமன்ற உறுப்பினரான நானும் தவறிழைத்து விட்டதாக அபாண்டமாக குற்றம்சாட்டி இருப்பதற்கு முதலில் என் கடும் கண்டனத்தையும், எதிர்ப்பையும் தெரிவிக்கின்றேன்.