சென்னையில் விமான நிலையத்தில் இன்று ஒரே நாளில் 10 விமானங்கள் ரத்து: பயணிகள் தவிப்பு!

சென்னை: சென்னையில் உள்நாட்டு விமான நிலையத்தில் இன்று ஒரே நாளில் 10 விமானங்கள் ரத்து செய்யப்பட்டதால் பயணிகள் தவித்து வருகின்றனர். 10 ஏர் இந்தியா எக்ஸ்பிரஸ் பயணிகள் விமானங்கள் திடீரென ரத்து செய்யப்பட்டுள்ளன. சென்னையிலிருந்து புறப்படும் 5 விமானங்கள் மற்றும் வந்து சேர வேண்டிய 5 விமானங்கள் திடீரென ரத்து செய்யப்பட்டுள்ளது.

கொல்கத்தா, புவனேஸ்வர், பெங்களூரு, திருவனந்தபுரம், சிலிகுரி செல்ல வேண்டிய 5 விமானங்கள் ரத்து செய்யப்பட்டன. பெங்களூரு, திருவனந்தபுரம், புவனேஸ்வர், கொல்கத்தா, சிலிகுரியிலிருந்து சென்னை வரவேண்டிய 5 விமானங்களும் ரத்து செய்யப்பட்டது. சென்னையில் உள்நாட்டு விமான நிலையத்தில் இன்று ஒரே நாளில் விமானங்கள் ரத்து செய்யப்பட்டதால் பயணிகள் அதிர்ச்சி அடைந்ததாகவும், இதனால் விமான நிலைய அதிகாரிகளுக்கும் பயணிகளுக்கும் இடையே வாக்குவாதம் ஏற்பட்டதாகவும் கூறப்படுகிறது.

முன்னறிவிப்பு இன்றி ஒரே நாளில் 10 விமானங்கள் ரத்து செய்யப்பட்டதால் முன்பதிவு செய்து பயணிக்க இருந்த பயணிகள் அவதிக்குள்ளாகியுள்ளனர். 10 விமானங்களும் நிர்வாக காரணங்களுக்காக ரத்து செய்யப்பட்டுள்ளதாக ஏர் இந்தியா நிர்வாகம் தகவல் தெரிவித்துள்ளது.

The post சென்னையில் விமான நிலையத்தில் இன்று ஒரே நாளில் 10 விமானங்கள் ரத்து: பயணிகள் தவிப்பு! appeared first on Dinakaran.