சென்னையில் காணும் பொங்கலுக்கு 16,000 போலீஸார் பாதுகாப்பு - கடலில் குளிக்க தடை

சென்னை: காணும் பொங்கலுக்கு சென்னையில் 16,000 போலீஸார் பாதுகாப்புப் பணியில் ஈடுபட உள்ளனர். மேலும், கடலில் குளிக்க பொதுமக்களுக்கு தடை விதிக்கப்பட்டுள்ளது.

இதுதொடர்பாக சென்னை காவல் துறை வெளியிட்டுள்ள செய்திக்குறிப்பில் கூறியிருப்பதாவது: ”பொங்கல் பண்டிகையை முன்னிட்டு பொதுமக்கள் தங்களது குடும்பத்தினருடன் மெரினா கடற்கரை உள்ளிட்ட இதர பொழுதுபோக்கு இடங்களுக்கு அதிகளவில் வருவதால், சென்னை காவல்துறை சார்பில் விரிவான பாதுகாப்பு ஏற்பாடுகள் செய்யப்பட்டுள்ளன. அந்த வகையில், சென்னையில் 16,000 போலீஸார், 1,500 ஊர்காவல் படையினர் மூலம் பாதுகாப்பு ஏற்பாடுகள் மேற்கொள்ளப் பட்டுள்ளது.