சென்னை – திருப்பதி ரயில் உட்பட 18 ரயில்களின் சேவை ரத்து; 20 விரைவு ரயில்கள் மாற்று பாதையில் இயக்கம்

சென்னை: பாக்மதி விரைவு ரயில் விபத்தை தொடர்ந்து, சென்னை – திருப்பதி உட்பட 18 விரைவு ரயில்களின் சேவை நேற்று ரத்து செய்யப்பட்டது. மேலும், 20-க்கும் மேற்பட்ட விரைவு ரயில்கள் மாற்றுப் பாதையில் இயக்கப்பட்டன.

கர்நாடகா மாநிலம் மைசூரில் இருந்து சென்னை பெரம்பூர் வழியாக பீகார் மாநிலம் தர்பங்காவுக்கு புறப்பட்ட பாக்மதி விரைவு ரயில், திருவள்ளூர் மாவட்டம் கவரைப்பேட்டை அருகே நேற்று முன்தினம் இரவு 8:30 மணிக்கு சரக்குரயில் மீது மோதி விபத்துக்குள்ளானது. இதனால், அந்த தடத்தில் செல்ல வேண்டிய ரயில்களின் சேவையில் நேற்று மாற்றம் செய்யப்பட்டது.