சிவகிரி, ராயகிரி பகுதிகளில் நாளை மின்தடை

சிவகிரி,ஜன.17: மாதாந்திர பராமரிப்பு பணி காரணமாக சிவகிரி, ராயகிரி பகுதிகளில் நாளை மின் விநியோகம் தடை செய்யப்படுகிறது. இதுகுறித்து கடையநல்லூர் கோட்ட மின்விநியோக பிரிவு செயற்பொறியாளர் கற்பகவிநாயக சுந்தரம் வெளியிட்ட செய்திக்குறிப்பில் கூறியிருப்பதாவது: கடையநல்லூர் கோட்டத்திற்கு உட்பட்ட விஸ்வநாதப்பேரி துணை மின் நிலையத்தில் நாளை (18ம் தேதி) மாதாந்திர பராமரிப்பு பணி மேற்கொள்ள உத்தேசிக்கப்பட்டுள்ளது. இதன் காரணமாக சிவகிரி, தேவிபட்டினம், விஸ்வநாதப்பேரி, தெற்கு சத்திரம், வடக்கு சத்திரம், வழிவிழி குளம், மேலகரிசல் குளம், ராயகிரி கொத்தாடைப்பட்டி ஆகிய கிராமங்களில் நாளை (18ம் தேதி) காலை 9 மணி முதல் மதியம் 2 மணி வரை மின்விநியோகம் இருக்காது. எனவே, மேற்கண்ட கிராமங்களில் மின் கம்பிகளில் தொடும் நிலையில் உள்ள மரக்கிளைகளை வெட்டுவதற்கு பொதுமக்கள் ஒத்துழைப்பு கொடுக்க வேண்டும். இவ்வாறு அவர் அதில் தெரிவித்துள்ளார்.

The post சிவகிரி, ராயகிரி பகுதிகளில் நாளை மின்தடை appeared first on Dinakaran.