கோடை கால இலவச விளையாட்டு பயிற்சி முகாம்

திருப்பூர், ஏப். 26: தமிழ்நாடு விளையாட்டு மேம்பாட்டு ஆணையம் சார்பில், திருப்பூர் மாவட்ட அளவிலான மாணவ மாணவிகளுக்கு கோடை கால இலவச பயிற்சி முகாம் 21 நாட்கள் நடக்கிறது. இந்த முகாமில் தடகளம், கூடைப்பந்து, கையுந்து பந்து, கால்பந்து, இறகு பந்து, குத்து சண்டை, டேக்வாண்டோ உள்ளிட்ட விளையாட்டு போட்டிகளுக்கு இலவசமாக பயிற்றுநர்களை கொண்டு பயிற்சி வழங்கப்படுகிறது.இதன் தொடக்க விழா திருப்பூர் சிக்கண்ணா அரசு கலைக்கல்லூரியில் நேற்று நடந்தது. விளையாட்டு போட்டிகளை மாவட்ட உடற்கல்வி இயக்குனர் மகேந்திரன், சிக்கண்ணா கல்லூரி உடற்கல்வி ஆய்வாளர் ராஜாராம், மாவட்ட விளையாட்டு மற்றும் இளைஞர் நலன் அலுவலர் ரகுகுமார் ஆகியோர் தொடங்கி வைத்தனர். இதில், ஏராளமான மாணவ, மாணவிகள் கலந்து கொண்டனர்.

The post கோடை கால இலவச விளையாட்டு பயிற்சி முகாம் appeared first on Dinakaran.