கையகப்படுத்திய நிலங்களை குடியிருப்போருக்கே வழங்க 18,000 ஏக்கர் வீட்டுவசதி வாரிய நிலம் விடுவிப்பு: அமைச்சர் தகவல்

சென்னை: தமிழ்நாடு வீட்டுவசதி வாரியத்தால் கையகப்படுத்தப்பட்டு பல ஆண்டுகளாக தொடர் நடவடிக்கை இல்லாத 18,000 ஏக்கர் நிலங்களை விடுவிக்க உள்ளதாக அமைச்சர் சு.முத்துசாமி தெரிவித்துள்ளார்.

இதுகுறித்து செய்தியாளர்களிடம் அமைச்சர் கூறியதாவது: வீட்டுவசதி வாரியத்தால் 60 ஆண்டுகளுக்கு முன்பிருந்து பல்வேறு திட்டங்களுக்காக நிலம் எடுக்க நோட்டீஸ் கொடுக்கப்பட்டிருந்தது. ஆனால், தொடர் நடவடிக்கை எடுக்கப்படாததால் நிலத்தை கையகப்படுத்தவோ அதில் திட்டங்களை கொண்டுவரும் பணியோ நடக்கவில்லை. அதேநேரத்தில் நில உரிமையாளர்களுக்கு நோட்டீஸ் கொடுக்கப்பட்டிருப்பதால் அவர்களால் எதுவும் செய்ய இயலவில்லை. உரிய பணமும் அவர்களுக்கு கிடைக்கவில்லை.