கேரள மாநிலம் கோட்டயத்தில் கார் ஆற்றில் கவிழ்ந்து இருவர் உயிரிழப்பு

கேரளா: கேரள மாநிலம் கோட்டயத்தில் கார் ஆற்றில் கவிழ்ந்து இருவர் உயிரிழந்துள்ளனர். கூகுள் மேப்பை பார்த்தப்படி காரை இயக்கியதால் விபத்து ஏற்பட்டுள்ளது. பொதுமக்களின் உதவியுடன் இரு சடலங்களையும் காரையும் காவல்துறை மீட்டது. உயிரிழந்த இருவரும், மகாராஷ்டிரா மாநிலம் தானே பகுதியைச் சேர்ந்தவர்கள் என விசாரணையில் தெரியவந்துள்ளது.

கோட்டயம்: ஆற்றில் கார் கவிழ்ந்ததில் இருவர் பலி இந்த விபத்தில் கொட்டாரக்கரையைச் சேர்ந்த ஜேம்ஸ் ஜார்ஜ் (48), மகாராஷ்டிராவைச் சேர்ந்த சைலி ராஜேந்திர சர்ஜே (27) ஆகியோர் உயிரிழந்தனர். கைப்புழாமுட்டில் ஆற்றில் விழுந்த கார் சோதனைக்கு பின் கண்டுபிடிக்கப்பட்டது.

காரின் கண்ணாடியை உடைத்ததில் 2 பேர் கண்டுபிடிக்கப்பட்டனர். அவர்கள் மருத்துவமனைக்கு கொண்டு செல்லப்பட்டனர், ஆனால் அவர்களின் உயிரைக் காப்பாற்ற முடியவில்லை. கூகுள் மேப்ஸைப் பார்த்ததால் விபத்து நடந்துள்ளது என்று போலீசாரின் முதற்கட்ட விசாரணையில் தகவல் தெரிவித்துள்ளனர்.

கார் எர்ணாகுளத்தில் இருந்து வாடகைக்கு எடுக்கப்பட்டது. இந்த விபத்து நேற்று இரவு 8.45 மணியளவில் இடம்பெற்றுள்ளது. குமரகம் பக்கம் வந்த கார் ஆற்றில் கவிழ்ந்தது. பாலத்தின் மீது ஏறுவதற்கு பதிலாக, தண்ணீரில் விழுந்தது.

கைப்புழாமுட் பாலத்தின் இடதுபுறம் உள்ள சர்வீஸ் சாலை வழியாக வந்தபோது கோட்டயம் பகுதியில் இருந்து வந்த கார் சாலையில் மோதியதாக அப்பகுதி மக்கள் தெரிவித்தனர். காருக்குள் இருந்தவர்களின் அலறல் சத்தம் கேட்டு அப்பகுதி மக்கள் ஓடி வந்து பார்த்தபோது கார் தண்ணீரில் மூழ்கியது.

அப்பகுதியினர், போலீசார் மற்றும் தீயணைப்பு படையினர் சோதனை நடத்தினர். உயிரிழந்தவர்களின் உடல்கள் கோட்டயம் மருத்துவக் கல்லூரி மருத்துவமனையில் வைக்கப்பட்டுள்ளது.

The post கேரள மாநிலம் கோட்டயத்தில் கார் ஆற்றில் கவிழ்ந்து இருவர் உயிரிழப்பு appeared first on Dinakaran.