கல்குவாரியில் கொழுந்து விட்டு எரிந்த தீயால் பரபரப்பு

2 days ago 1

 

மதுக்கரை, ஏப்.2: மதுக்கரை நகராட்சி 23வது வார்டு பகுதியில் உள்ள ஒரு பாழடைந்து கல்குவாரியில் அந்த பகுதியில் சேகரிக்கபடும் குப்பைகள் கொட்டப்பட்டு வந்தது. அங்கு குப்பை கொட்டுவதற்கு பொதுமக்கள் எதிர்ப்பு தெரிவித்ததால் 2 மாதத்திற்கு முன்பு அங்கு குப்பை கொட்டுவதை நிறுத்திய நகராட்சி நிர்வாகம், அங்கு யாரும் குப்பை கொட்டக்கூடாது என்று போர்டு வைத்திருந்து. இந்த நிலையில் நேற்று மாலை சமூக விரோதிகள் சிலர், அங்கு தேங்கி இருந்த குப்பையில் தீ வைத்து விட்டு சென்றதாக கூறப்படுகிறது.

இதனால் அங்கு தீ கொழுந்து எரிந்ததால் அந்த பகுதியில் பரபரப்பு ஏற்பட்டது. இதுகுறித்து தகவலறிந்த, நகராட்சி தலைவர் நூர்ஜகான் நாசர், கமிசனர் சத்யா ஆகியோர் விரைந்து சென்று, தீயணைப்பு துறையினருக்கு தகவல் கொடுத்து வரவழைத்தனர். அங்கு வந்த, தீயணைப்பு துறையினர் நீண்ட நேரம் போராடி தீயை அணைத்து சென்றனர். அவர்கள் சென்ற சிறிது நேரத்தில் மீண்டும் தீப்பிடித்து எரியத் துவங்கியது. இதனால் நகராட்சி ஊழியர்கள் மற்றும் பொதுமக்கள் சேர்ந்து தீயை அணைக்கும் பணியில் ஈடுபட்டனர்.

The post கல்குவாரியில் கொழுந்து விட்டு எரிந்த தீயால் பரபரப்பு appeared first on Dinakaran.

Read Entire Article