கர்நாடக முதல்வராகும் வாய்ப்பு உள்ளதா? - துணை முதல்வர் டி.கே.சிவக்குமார் பதில் கூற மறுப்பு

திருவண்ணாமலை: சித்தராமையா மீது நில முறைகேடு வழக்கு உள்ளதால், கர்நாடக முதல்வராகும் வாய்ப்பு உள்ளதா என்ற கேள்விக்கு அம்மாநில துணை முதல்வர் டி.கே.சிவக்குமார் பதிலளிக்க மறுத்துவிட்டார்.

பஞ்சபூத திருத்தலங்களில் அக்னி திருத்தலமாக போற்றப்படும் திருவண்ணாமலை அண்ணாமலையார் கோயிலில், கர்நாடக மாநில துணை முதல்வர் டி.கே.சிவக்குமார், குடும்பத்துடன் இன்று (அக்.7) சுவாமி தரிசனம் செய்தார். சிறப்பு வழியில் சென்று மூலவரை தரிசனம் செய்துவிட்டு வெளியே வந்தவர், மகா தீபம் ஏற்றப்படும் திரு அண்ணாமலையை இருகரம் கூப்பி வணங்கினார். அதன்பிறகு, உண்ணாமுலை அம்மன் சந்நிதியில் சுவாமி தரிசனம் செய்துவிட்டு, வெளியே வந்தவருக்கு, கோயில் நிர்வாகம் சார்பில் பிரசாதம் வழங்கப்பட்டன.