கடலில் விடப்பட்ட இறால் குஞ்சுகள்

மண்டபம்,டிச.8: மண்டபம் மத்திய கடல் மீன்வள ஆராய்ச்சி நிலையம் சார்பில், ஆராய்ச்சி நிலையத்தில் பொறிப்பகங்களில் வளர்க்கப்பட்ட பச்சைவரி இறால் குஞ்சுகள் மரைக்பாயர் பட்டிணம் தென் கடலில் விடப்பட்டது. மண்டபம் ஒன்றியம் மரைக்காயர்பட்டிணம் பகுதியில் மத்திய கடல் மீன்வள ஆராய்ச்சி நிலையம் இயங்கி வருகிறது. இந்த ஆராய்ச்சி நிலையம் சார்பில் மீனவர்களை ஊக்குவிக்கும் விதமாக கடலில் கூண்டு அமைத்து மீன் வளர்ப்பு, பச்சை வரி இறால் குஞ்சுகள் வளர்ப்பு, கூண்டு பாசி வளர்ப்பு போன்ற திட்டங்களை செய்து வருகின்றனர்.

அதன் ஒரு பகுதியாக பிரதம மந்திரி மீன்வள மேம்பாட்டுத் திட்டத்தின் கீழ் ஆராய்ச்சி நிலையத்தில் பொரிப்பகங்களில் பச்சை வரி இறால் குஞ்சுகள் வளர்க்கப்பட்டு வந்தன. இதில் 2.1 மில்லியன் பச்சை வரி இறால் குஞ்சுகள், மரைக்காயர் மன்னார் வளைகுடா கடல்பகுதியில் நாட்டு படகில் சென்று விடப்பட்டன. இந்த நிகழ்ச்சியில் மண்டபம் மத்திய கடல் மீன்வள ஆராய்ச்சி நிலைய தலைவர் வினோத், இந்த திட்டத்தின் தலைவர், தமிழ்மணி, மண்டபம் மீன்வளம் மற்றும் மீனவர் நலத்துறை ஆய்வாளர் தர்மராஜ், மண்டபம், வேதாளை நாட்டுப்படகு சங்க முக்கிய நிர்வாகிகள் மற்றும் மண்டபம் மத்திய கடல் மீன்வள ஆராய்ச்சி நிலைய மூத்த விஞ்ஞானி ஜான்சன் ஆகியோர்கள் கலந்து கொண்டனர்.

The post கடலில் விடப்பட்ட இறால் குஞ்சுகள் appeared first on Dinakaran.