கஞ்சா விற்ற 2 பேர் கைது

செங்கல்பட்டு: செங்கல்பட்டு நகர காவல் நிலைய எல்லைக்கு உட்பட்ட பல்வேறு இடங்களில் கஞ்சா விற்பனை நடைபெற்று வருவதாக போலீசாருக்கு தொடர்ந்து புகார் வந்த வண்ணம் இருந்தது. இதனை தொடர்ந்து செங்கல்பட்டு ராட்டினங்கிணறு ரயில்வே மேம்பாலம் அருகே நேற்று கஞ்சா விற்றவரை கைது செய்து காவல் நிலையம் அழைத்துச் சென்று விசாரணை மேற்கொண்டனர். விசாரணையில் அவர் திருக்கழுகுன்றம் அடுத்த மடுவாங்கரரை கிராமத்தைச் சேர்ந்த மோகன் என்பவரின் மகன் பிரகாஷ் (28) என்பது தெரியவந்தது. இதனை தொடர்ந்து பிரகாஷ் மீது போலீசார் வழக்குப்பதிவு செய்து அவரிடம் இருந்த கஞ்சாவை பறிமுதல் செய்தனர். இதேபோல் செங்கல்பட்டு பச்சையம்மன் கோயில் அருகே கஞ்சா விற்பனை செய்த முனுசாமி என்பவரின் மகன் அஜய் (26) என்ற வாலிபரை கைது செய்து அவரிடம் இருந்த கஞ்சாவை பறிமுதல் செய்தனர்.

The post கஞ்சா விற்ற 2 பேர் கைது appeared first on Dinakaran.