ஐ.எஸ்.எல். கால்பந்து தொடர்; பஞ்சாப் - மும்பை ஆட்டம் 'டிரா'

புதுடெல்லி,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்நிலையில், இந்த தொடரில் நேற்று ஒரு லீக் ஆட்டம் நடைபெற்றது.

டெல்லியில் நடைபெற்ற அந்த ஆட்டத்தில் பஞ்சாப் எப்.சி - மும்பை சிட்டி எப்.சி. அணிகள் மோதின. இந்த ஆட்டத்தின் முதல் பாதியில் பஞ்சாப் அணி ஒரு கோல் அடித்து ஆட்டத்தில் 1-0 என முன்னிலை பெற்றது. தொடர்ந்து நடைபெற்ற 2வது பாதி ஆட்டத்தில் மும்பை அணி ஒரு கோல் அடித்து ஆட்டத்தை சமனுக்கு கொண்டு வந்தது.

இதையடுத்து இரு அணி வீரர்களும் கோல் அடிக்க எடுத்த முயற்சிகளுக்கு இறுதிவரை பலன் கிடைக்கவில்லை. இறுதியில் இந்த ஆட்டம் 1-1 என்ற கோல் கணக்கில் சமனில் முடிந்தது. இந்நிலையில் இந்த தொடரில் இன்று நடைபெறும் ஒரு லீக் ஆட்டத்தில் ஜாம்ஷெட்பூர் எப்.சி. - மோகன் பகான் அணிகள் மோத உள்ளன.