ஐ.எஸ்.எல். கால்பந்து தொடர்; பஞ்சாப் எப்.சி. - நார்த் ஈஸ்ட் யுனைடெட் அணிகள் நாளை மோதல்

புதுடெல்லி,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்த தொடரில் கடந்த 10ம் தேதி நடைபெற்ற ஆட்டத்தில் ஒடிசா - மோகன் பகான் அணிகள் மோதின. இந்த ஆட்டம் 1-1 என்ற கோல் கணக்கில் டிரா ஆனது.

இதையடுத்து இந்த தொடரில் கடந்த 11ம் தேதி முதல் இன்று வரை ஓய்வு அளிக்கப்பட்டுள்ளது. தொடர்ந்து இந்த தொடரில் நாளை 2 ஆட்டங்கள் நடைபெறுகின்றன. அதில் மாலை 5 மணிக்கு தொடங்கும் முதல் ஆட்டத்தில் பஞ்சாப் எப்.சி. - நார்த் ஈஸ்ட் யுனைடெட் அணிகள் மோத உள்ளன.

தொடர்ந்து இரவு 7.30 மணிக்கு நடைபெறும் 2வது ஆட்டத்தில் மோகன் பகான் - ஜாம்ஷெட்பூர் அணிகள் மோத உள்ளன. இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் மோகன் பகான் 2வது இடத்திலும், நார்த் ஈஸ்ட் யுனைடெட் 3வது இடத்திலும், பஞ்சாப் எப்.சி 6வது இடத்திலும், ஜாம்ஷெட்பூர் 7வது இடத்திலும் உள்ளன.