எல்ஐசி இணையதளம் இந்திக்கு மாற்றம்; இந்தியாவின் மொழி பன்மைத்துவத்தை நசுக்கும் செயல்: தலைவர்கள் கண்டனம்

‘எல்ஐசி நிறுவனத்தின் இணையதளம் இந்தி மொழிக்கு மாற்றப்பட்டது, இந்தியாவின் மொழி பன்மைத்துவத்தை நசுக்கும் செயல்’ என அரசியல் தலைவர்கள் கண்டனம் தெரிவித்துள்ளனர்.

பொதுத்துறை நிறுவனமான எல்ஐசியின் இணையதள முகப்பு நேற்று காலை இந்தி மொழியில் மாற்றப்பட்டது. இணையதளத்தின் மொழி மாற்றும் விருப்பமும் இந்தி மொழியிலேயே இருந்ததால், வாடிக்கையாளர்கள் தேர்வு செய்ய முடியாத நிலை ஏற்பட்டது. இதனால் காப்பீடு குறித்த விவரங்களை தெரிந்து கொள்ள முடியாமல் வாடிக்கையாளர்கள் சிரமத்துக்குள்ளாகினர். இதற்கு பல்வேறு தரப்பிலிருந்தும் எதிர்ப்புகள் கிளம்பின.