ஊராட்சி ஒன்றிய துவக்கப்பள்ளியில் சமத்துவ பொங்கல் விழா

தா.பழூர், ஜன.11: அரியலூர் மாவட்டம் தா.பழூர் ஊராட்சி ஒன்றிய துவக்கப் பள்ளியில் சமத்துவ பொங்கல் விழா கொண்டாடப்பட்டது. இதில் வட்டார வளமைய மேற்பார்வையாளர் சுதா, பள்ளி தலைமை ஆசிரியர் பிளமன்ராஜ் தலைமை வகித்தார். இந்த சமத்துவ பொங்கல் விழாவில் எஸ்எம்சி தலைவர், ஆசிரியர் பயிற்றுநர்களும் பள்ளி சக ஆசிரியர்கள் கலந்து கொண்டனர். இந்த சமத்துவ பொங்கலை முன்னிட்டு பள்ளி வளாகத்தில் வண்ணக்கோலம் இட்டு, செங்கரும்பு வைத்து மண்பானையில் பொங்கல் வைத்து கொண்டாடினர். இதில் ஆசிரியர்கள் அனைவரும் வேட்டி சட்டை அணிந்தும், ஆசிரியைகள் அனைவரும் பட்டு சேலை அணிந்து வந்து தமிழர் பாரம்பரிய முறைப்படி பொங்கல் வைத்தனர். இதில் ‘பொங்கலோ பொங்கல்: என கோஷங்களை எழுப்பியும், ஒருவருக்கு ஒருவர் பொங்கல் வாழ்த்துக்களை பரிமாறிக்கொண்டனர்.

The post ஊராட்சி ஒன்றிய துவக்கப்பள்ளியில் சமத்துவ பொங்கல் விழா appeared first on Dinakaran.