உலகக்கோப்பை கேரம் சாம்பியன்ஷிப் போட்டியில் தங்கம் தமிழக வீராங்கனை காசிமாவுக்கு முதல்வர் மு.க.ஸ்டாலின் வாழ்த்து

சென்னை: உலகக்கோப்பை கேரம் சாம்பியன்ஷிப் போட்டியில் தங்கம் வென்ற தமிழக வீராங்கனை காசிமாவுக்கு முதல்வர் மு.க.ஸ்டாலின், துணை முதல்வர் உதயநிதி வாழ்த்து தெரிவித்துள்ளனர். முதல்வர் மு.க.ஸ்டாலின்: அமெரிக்காவில் நடைபெற்ற ஆறாவது கேரம் உலகக்கோப்பையில் சென்னையைச் சேர்ந்த நம் தமிழ்மகள் காசிமா மூன்று பிரிவுகளில் முதலிடம் பெற்றுள்ளதற்குப் பாராட்டுகள், வாழ்த்துகள். பெருமை கொள்கிறேன் மகளே… எளியோரின் வெற்றியில்தான் திராவிட மாடலின் வெற்றி அடங்கியிருக்கிறது.

துணை முதல்வர் உதயநிதி: சென்னை புது வண்ணாரப்பேட்டையைச் சேர்ந்த தங்கை காசிமா, அமெரிக்காவில் நடைபெற்ற 6வது உலகக்கோப்பை கேரம் சாம்பியன்ஷிப் போட்டியில் 3 பிரிவுகளில் தங்கம் வென்று உலக அளவில் சாதனை படைத்துள்ளார். கடந்த ஜூலை மாதம், தமிழ்நாடு சாம்பியன்ஸ் அறக்கட்டளை மூலம் காசிமாவின் பயணம் – பயிற்சிக்காக ரூ.1.50 லட்சத்தை நாம் வழங்கி வாழ்த்தியிருந்த நிலையில், 3 தங்கப் பதக்கங்களை வென்று தமிழ்நாட்டுக்கு பெருமைத் தேடித்தந்துள்ளார். தங்கை காசிமாவின் வெற்றிப்பயணம் தொடரட்டும்.

The post உலகக்கோப்பை கேரம் சாம்பியன்ஷிப் போட்டியில் தங்கம் தமிழக வீராங்கனை காசிமாவுக்கு முதல்வர் மு.க.ஸ்டாலின் வாழ்த்து appeared first on Dinakaran.