உலகக் கோப்பை கால்பந்து தகுதி சுற்று: பெருவை வீழ்த்தி வெற்றி பெற்ற அர்ஜென்டினா

பியூனஸ் அயர்ஸில்,

23-வது உலகக் கோப்பை கால்பந்து போட்டி 2026-ம் ஆண்டு ஜூன், ஜூலை மாதங்களில் அமெரிக்கா, கனடா, மெக்சிகோ ஆகிய 3 நாடுகளில் நடக்கிறது. 48 நாடுகள் பங்கேற்கின்றன. போட்டியை நடத்தும் நாடுகளை தவிர மற்ற அணிகள் தகுதி சுற்று மூலமே தேர்வாகும். தகுதி சுற்று பல்வேறு நாடுகளில் நடக்கின்றன.

இதில் தென்அமெரிக்க கண்டத்துக்கான தகுதி சுற்றில் இன்று நடைபெற்ற ஒரு ஆட்டத்தில் அர்ஜென்டினா - பெரு அணிகள் மோதின. இந்த ஆட்டத்தில் அபாரமாக செயல்பட்ட அர்ஜென்டினா 1-0 என்ற கோல் கணக்கில் பெருவை வீழ்த்தி வெற்றி பெற்றது.

இன்று நடைபெற்ற மற்றொரு ஆட்டத்தில் பிரேசில் - உருகுவே அணிகள் மோதின. இந்த ஆட்டம் 1-1 என்ற கோல் கணக்கில் டிராவில் முடிந்தது. இதேபோல் பொலிவியா - பராகுவே ஆட்டமும் 2-2 என்ற கோல் கணக்கில் டிராவில் முடிந்தது.