இரண்டாம் கட்ட மெட்ரோ ரயில் திட்டம்: ராமாபுரத்தில் 33.33 மீட்டருக்கு யூ-கர்டர் நிறுவி சாதனை

சென்னை: இரண்டாம் கட்ட மெட்ரோ ரயில் திட்டத்தில் 5-வது வழித்தடத்தில் ராமாபுரத்தில் 33.33 மீ. நீளத்துக்கு யூ-கர்டர் நிறுவி சென்னை மெட்ரோ ரயில் நிறுவனம் சாதனை படைத்துள்ளது.

சென்னையில் 2-ம் கட்ட மெட்ரோ ரயில் திட்டம் 116.1 கி.மீ. தொலைவுக்கு 3 வழித்தடங்களில் செயல்படுத்தப்படுகிறது. இவற்றில், மாதவரம் - சோழிங்கநல்லூர் வரையிலான 5-வது வழித்தடம் (44.6 கி.மீ.) ஒன்றாகும். இந்த வழித்தடத்தில், 5 சுரங்கப்பாதை மெட்ரோ ரயில் நிலையங்களும், 39 உயர்மட்ட மெட்ரோ ரயில் நிலையங்களும் அமைக்கப்படவுள்ளன.