இயக்குனர் ஜோஜு ஜார்ஜின் 'பனி' படத்தைப் பாராட்டிய கமல்

ஜோஜு ஜார்ஜ் மலையாளத்தில் பிரபல நடிகராக இருப்பவர். தமிழில் ஜகமே தந்திரம் படத்தில் அறிமுகமானவர் சூர்யா - 44 மற்றும் கமலுடன் தக் லைப் படத்தில் நடித்து முடித்துள்ளார். நடிகராக மட்டுமல்லாமல் தயாரிப்பாளராகவும் 7 திரைப்படங்களைத் தயாரித்துள்ளார்.

நடிகர் ஜோஜு ஜார்ஜ், பனி என்ற படத்தினை இயக்கியுள்ளார். இந்தப் படத்தில் நடித்தும் உள்ளார். நாடோடிகள் அபிநயா முக்கியமான கதாபாத்திரத்தில் நடித்துள்ளார். விஷ்ணு விஜய், சாம் சிஎஸ் இசையமைத்துள்ளார்கள். கேரளாவின் திருச்சூரில் இரண்டு கோஷ்டிகளுக்கு இடையே நடக்கும் பழிவாங்கும் கதையை மையமாக வைத்து இந்த திரில்லர் படம் உருவாகியுள்ளது. இந்தப் படம் கடந்த 24ம் தேதி வெளியானது. மலையாளத்தில் உருவான 'பனி', இந்தி, தெலுங்கு, கன்னடத்திலும் வெளியாக இருக்கிறது. கலவையான விமர்சனங்களைப் பெற்றாலும் இதுவரை ரூ. 25 கோடிக்கும் அதிகமாக வசூலித்து வணிக ரீதியாக வெற்றிப்படமாகியுள்ளது.

நடிகரும் இயக்குனருமான ஜோஜு ஜார்ஜ் சமீபத்தில் திரை விமர்சகர் ஒருவரை மிரட்டியது குறிப்பிடத்தக்கது.

படத்தின் தமிழ் டப்பிங் வடிவம் நாளை வெளியாகிறது. இதற்காக, ஜோஜு ஜார்ஜ் தன் படக்குழுவினருடன் நடிகர் கமல்ஹாசனை நேரில் சந்தித்து பாராட்டுகளைப் பெற்றுள்ளார்.