இந்தோனேசியா ஓபன் பேட்மிண்டன் போட்டி: பி.வி. சிந்து தோல்வி

ஜகர்த்தா,

2025-ம் ஆண்டுக்கான இந்தோனேசியா ஓபன் பேட்மிண்டன் போட்டிகள் இந்தோனேசியாவில் நடந்து வருகின்றன. இதில், ஒற்றையர் மகளிர் போட்டியில், இந்தியாவின் முன்னணி வீராங்கனை பி.வி. சிந்து, காலிறுதிக்கு முந்தின சுற்றில் தாய்லாந்து நாட்டின் போர்ன்பாவீ சோச்சுவாங் என்பவரை எதிர்த்து விளையாடினார்.

2 முறை ஒலிம்பிக்கில் பதக்கம் வென்றவரான சிந்துவை, 22-20, 10-21, 18-21 என்ற புள்ளி கணக்கில் வீழ்த்தி சோச்சுவாங் வெற்றி பெற்றார். இந்த போட்டி 1 மணிநேரம் 18 நிமிடங்கள் வரை நீடித்தது.

போட்டியின் முதல் செட்டை கைப்பற்றுவதில் தோல்வியடைந்தபோதும், 2-ம் செட்டை சிந்து கைப்பற்றினார். இதனால், வெற்றியை முடிவு செய்யும் 3-வது செட்டுக்கான போட்டி விறுவிறுப்பாக நடந்தது. எனினும், அந்த செட்டிலும் சிந்து வெற்றி பெறவில்லை.

இதனால், இந்தோனேசியா ஓபன் பேட்மிண்டன் போட்டி தொடரில் இருந்து சிந்து வெளியேறினார். ஒற்றையர் போட்டியில் பதக்கம் பெறும் இந்தியாவின் கனவும் முடிவுக்கு வந்துள்ளது.