இங்கிலாந்துக்கு எதிரான டெஸ்ட் தொடர்; நியூசிலாந்து அணி அறிவிப்பு

வெல்லிங்டன்,

இங்கிலாந்து கிரிக்கெட் அணி நியூசிலாந்துக்கு சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் ஆட உள்ளது. இந்த தொடர் வரும் 28ம் தேதி தொடங்குகிறது. இந்த தொடர் உலக டெஸ்ட் சாம்பியன்ஷிப்புக்கு உட்பட்ட தொடர் என்பதால் இரு அணிகளுக்கும் இந்த தொடர் முக்கியத்துவம் வாய்ந்ததாக பார்க்கப்படுகிறது.

இந்நிலையில், இந்த தொடருக்கான நியூசிலாந்து அணி அறிவிக்கப்பட்டுள்ளது. இந்தியாவுக்கு எதிரான டெஸ்ட் தொடரில் ஆடாத கேன் வில்லியம்சன் இந்த அணியில் இடம் பிடித்துள்ளார். இந்த அணிக்கு டாம் லாதம் கேப்டனாகவும், டாம் பிளெண்டல் விக்கெட் கீப்பராகவும் நியமிக்கப்பட்டுள்ளனர்.

இங்கிலாந்துக்கு எதிரான 2வது மற்றும் 3வது டெஸ்ட் போட்டிக்கான அணியில் மட்டும் மிட்செல் சாண்ட்னெர் இடம் பிடித்துள்ளார். இங்கிலாந்துக்கு எதிரான டெஸ்ட் தொடருடன் நியூசிலாந்தின் டிம் சவுதி சர்வதேச டெஸ்ட் கிரிக்கெட்டில் இருந்து ஓய்வு பெற உள்ளது குறிப்பிடத்தக்கது.

நியூசிலாந்து அணி விவரம்; டாம் லாதம் (கேப்டன்), டாம் பிளெண்டல் (விக்கெட் கீப்பர்), டெவான் கான்வே, ஜேக்கப் டபி, மேட் ஹென்றி, டேரில் மிட்செல், வில் ஓ ரூர்க், க்ளென் பிலிப்ஸ், ரச்சின் ரவீந்திரா, நாதன் ஸ்மித், டிம் சவுதி, கேன் வில்லியம்சன், வில் யங், மிட்செல் சாண்ட்னெர் (2வது மற்றும் 3வது டெஸ்ட் போட்டிக்கு மட்டும்).

போட்டி அட்டவணை விவரம்;

முதல் டெஸ்ட் போட்டி - நவம்பர் 28-டிசம்பர் 2 - கிறிஸ்ட்சர்ச்

2வது டெஸ்ட் போட்டி - டிசம்பர் 6-10 - வெல்லிங்டன்

3வது டெஸ்ட் போட்டி - டிசம்பர் 14-18 - ஹாமில்டன்