ஆக்கி இந்தியா லீக்: தமிழ்நாடு டிராகன்ஸ் அணியை வீழ்த்தி இறுதிப்போட்டிக்கு முன்னேறிய பெங்கால் டைகர்ஸ்

ரூர்கேலா,

8 அணிகள் பங்கேற்றுள்ள 6-வது ஆக்கி இந்தியா லீக் போட்டி ஒடிசாவின் ரூர்கேலாவில் நடந்து வருகிறது. இதில் லீக் சுற்று ஆட்டங்கள் முடிவில் ஷராச்சி ரார் பெங்கால் டைகர்ஸ், தமிழ்நாடு டிராகன்ஸ், சூர்மா ஆக்கி கிளப் மற்றும் ஐதராபாத் டூபான்ஸ் ஆகிய அணிகள் அரையிறுதிக்கு முன்னேறின.

இதில் இன்று நடைபெற்ற முதலாவது அரையிறுதி ஆட்டத்தில் ஷராச்சி ரார் பெங்கால் டைகர்ஸ் - தமிழ்நாடு டிராகன்ஸ் அணிகள் மோதின. விறுவிறுப்பாக நடைபெற்ற இந்த ஆட்டம் 2-2 என்ற கோல் கணக்கில் சமனில் முடிந்தது.

இதனையடுத்து வெற்றியாளரை தீர்மானிக்க ஷூட் அவுட் முறை கடைபிடிக்கப்பட்டது. ஷூட் அவுட்டில் பெங்கால் டைகர்ஸ் 6 - 5 என்ற கோல் கணக்கில் தமிழ்நாடு டிராகன்ஸ் அணியை வீழ்த்தி முதல் அணியாக இறுதிப்போட்டிக்கு முன்னேறியுள்ளது.

இதில் நடைபெறும் மற்றொரு அரையிறுதியில் சூர்மா ஆக்கி கிளப்- ஐதராபாத் டூபான்ஸ் அணிகள் விளையாடி வருகின்றன.