அமெரிக்காவில் ஜெட் விமானமும், ஹெலிகாப்டரும் நடுவானில் நேருக்கு நேர் மோதி விபத்து: 19 பேரின் உடல்கள் மீட்பு!

வாஷிங்டன்: அமெரிக்காவின் வாஷிங்டனில் விமானமும் ஹெலிகாப்டர் நேருக்கு நேர் மோதிய விபத்தில்
உயிரிழந்த 19 பேரின் உடல்கள் மீட்கப்பட்டுள்ளது. அமெரிக்கவில் பிஎஸ்ஏ ஏர்லைன்ஸுக்கு சொந்தமான விமானம் வாஷிங்டன் ரீகன் தேசிய விமான நிலையத்தில் தரையிறங்க முயன்றது. அப்போது நடுவானில் பறந்த ராணுவ ஹெலிகாப்டருடன் விமானம் மோதியது. விபத்தில் சிக்கிய விமானம் போடோமாக் ஆற்றில் விழுந்ததாக கூறப்படுகிறது. இந்த விமானத்தில் 60 பயணிகள் வரை பயணித்திருக்கலாம் என்றும், ஹெலிகாப்டரில் 3 வீரர்கள் இருந்ததாக கூறப்படுகிறது.

அங்கு விரைந்த அவசரகால மீட்பு குழுவினர் விபத்தில் சிக்கிய விமான பயணிகளை மீட்கும் பணியில் ஈடுபட்டுள்ளனர். ஆற்றில் 4 பேர் அடித்து செல்லப்பட்டதாகவும், 19 பேரின் உடல்கள் மீட்கப்பட்டுள்ளதாகவும் அந்நாட்டு ஊடகங்கள் செய்தி வெளியிட்டுள்ளன. மேலும்,மீட்பு நடவடிக்கைகள் தொடர்பாக அதிகாரிகளிடம் அமெரிக்க அதிபர் டொனால்டு டிரம்ப் கேட்டறிந்தார். இதனிடையே பாதுகாப்பு கருதி ரீகன் தேசிய விமான நிலைய செயல்பாடுகள் தற்காலிகமாக நிறுத்தப்பட்டது. விமான வருகை மற்றும் புறப்பாடு தற்காலிகமாக நிறுத்தி வைக்கப்பட்டு மாற்று வழியில் திருப்பி விடப்பட்டுள்ளன.

The post அமெரிக்காவில் ஜெட் விமானமும், ஹெலிகாப்டரும் நடுவானில் நேருக்கு நேர் மோதி விபத்து: 19 பேரின் உடல்கள் மீட்பு! appeared first on Dinakaran.