அத்தனையும் அங்கே... குப்பைக் கிடங்கு மட்டும் இங்கே! - குமுறும் கோவை தெற்கு பகுதி மக்கள்

வடக்கு வாழ்கிறது... தெற்கு தேய்கிறது என்பது தமிழகத்து அரசியல்வாதிகள் அவ்வப்போது பயன்படுத்தும் வார்த்தைப் பிரகடனம். கோவை மாவட்டத்து மக்களும் இதை இப்போது உரக்கச் சொல்ல ஆரம்பித்திருக்கிறார்கள். காரணம், மாவட்டத்தின் தெற்குப் பகுதிக்கு அரசின் திட்டங்கள் அவ்வளவாய் வந்து சேராததுதான்.

10 சட்டமன்றத் தொகுதிகள், 2 மக்களவைத் தொகுதிகளை உள்ளடக்கிய கோவை மாவட்​டத்தில் திமுக-வுக்கு இப்போது ஒரு எம்எல்ஏ கூட இல்லை. இந்த சரித்​திரத்தை மாற்ற மாவட்​டத்தின் பொறுப்பு அமைச்சராக செந்தில்​பாலாஜியை அனுப்பி வைத்திருக்​கிறது திமுக தலைமை.