அதிமுக கைவிரித்ததால் திமுகவுடன் கைகோக்கிறதா தேமுதிக? - பாராட்டிய பிரேமலதா... வாழ்த்துச் சொன்ன முதல்வர்!

தமிழக பட்ஜெட்டை பிரேமலதா புகழ்ந்து தள்ளியது... பிரேமலதாவின் பிறந்த நாளுக்கு முதல்வர் ஸ்டாலின் போனில் அழைத்து வாழ்த்துச் சொன்னது - இதெல்லாம் திமுக கூட்டணியில் தேமுதிக இடம்பெறுவதற்கான முன்னோட்டமா என்ற கேள்வியெழுந்துள்ளது. ‘​மாற்றி மாற்றி கூட்டணி பேரம் பேசும் கட்சி’ எனும் விமர்​சனத்தை உடைக்க, பாஜக விரித்த தூண்டில்​களில் சிக்காமல், தொடர்ந்து அதிமுக ஆதரவு நிலைப்​பாட்​டிலேயே இருந்து வந்தார் பிரேமலதா.

2026-ல் அதிமுக கூட்ட​ணியில் கணிசமான தொகுதி​களில் வெல்ல​வேண்டும் என்ற கணக்கு அவரிடம் இருந்தது. “அதிமுக ஆட்சி​யமைத்தால் அண்ணி​யாருக்கு துணை முதல்வர் பதவி” எனவும் சொல்லிவந்​தார்கள் தேமுதி​க-​வினர். இது எல்லா​வற்​றையும் குழப்பி அடித்​திருக்​கிறது ராஜ்யசபா தேர்தல்.