2 days ago
3
சேலம்: தன் கட்சித் தொண்டர்களை உற்சாகப்படுத்துவதற்காகவே, 2026-ல் தவெக - திமுக இடையேதான் போட்டி என்று அக்கட்சியின் தலைவர் விஜய் கூறியுள்ளார், என்று அதிமுக பொதுச் செயலாளர் எடப்பாடி பழனிசாமி கூறியுள்ளார்.
சேலத்தில் அதிமுக பொதுச் செயலாளர் எடப்பாடி பழனிசாமி இன்று (மார்ச் 29) செய்தியாளர்களைச் சந்தித்தார். அப்போது அவரிடம், தவெக பொதுக்குழுக் கூட்டத்தில் பேசிய அக்கட்சியின் தலைவர் விஜய், 2026 தேர்தலில் தவெக - திமுக இடையேதான் போட்டி என்று பேசியது குறித்து கேட்கப்பட்டது. அதற்கு பதிலளித்த அவர், “தவெக தலைவர் விஜய் அவருடைய கருத்தைக் கூறுகிறார். நாட்டில் அனைத்துக் கட்சித் தலைவர்களும், அக்கட்சித் தொண்டர்களை உற்சாகப்படுத்துவதற்காக, இதுபோன்ற கருத்துக்களைக் கூறுவார்கள். அனைத்துக் கட்சித் தலைவர்களும் அப்படித்தான்” என்றார்.
English (US) ·