2026 சட்டப்பேரவை தேர்தலுக்கு ஆயத்தம்: அதிமுக எம்எல்ஏக்களுக்கு விருந்தளித்த பழனிசாமி

சென்னை: தமிழகத்தில் வரும் 2026 சட்டப்பேரவை தேர்தலுக்கு ஆயத்தமாகும் விதமாக, அதிமுக பொதுச்செயலாளர் பழனிசாமி, கட்சி எம்எல்ஏக்களுக்கு நேற்று விருந்து அளித்து உற்சாகப்படுத்தினார்.

கடந்த 2019 முதல் தமிழகத்தில் பல்வேறு தேர்தல்களில் தோல்வியை தழுவி வரும் பழனிசாமி, வரும் 2026 சட்டப்பேரவை தேர்தலில் வென்றாக வேண்டிய கட்டாயத்தில் உள்ளார். அதனால் தேர்தலுக்கு ஓராண்டுக்கு முன்பாகவே பாஜகவுடனான கூட்டணியை உறுதி செய்துவிட்டார்.