1989 சட்டப்பேரவை ‘சம்பவம்’... ஆணாதிக்க அரசியல் களத்தை தெறிக்கவிட்ட ஜெயலலிதா!

போற்றப்பட்டார், வெறுக்கப்பட்டார், தெய்வமாக்காப்பட்டார்... ஆனால், அவரை யாரும் புறக்கணிக்கவில்லை. அவர்தான் மறைந்த முதல்வர் ஜெயலலிதா. தனது 16-வது வயதில் திரை நட்சத்திரமாக அறிமுகமானது முதல் தனது 68-வது வயதில் விடைபெறும் வரை தன்னை நம்பியே வாழ்ந்த ஆற்றல்மிகு அரசியல் ஆளுமை ஜெயலலிதா.

கட்டளைகளையும், கட்டுப்பாடுகளையும் கண்ணசைவில் விதிக்கத் தெரிந்திருந்த உறுதிமிக்க தலைவராக அறியப்படுபவர் ஜெயலலிதா. பத்து வார்த்தைகள் பேசி விளக்க வேண்டியதை, ஜெயலலிதாவின் ஒற்றைப் பார்வை உணர்த்திவிடும். அந்த அளவுக்கு கட்டுக்கோப்பான நிர்வாகத் திறன்மிக்கவராக சிறந்து விளங்கியவர்.