யுஜிசியின் புதிய விதிகளை ஒன்றிய அரசு திரும்பப் பெறாவிட்டால் நீதிமன்றத்தை நாடுவோம்: முதல்வர் மு.க.ஸ்டாலின்

சென்னை: யுஜிசியின் புதிய விதிகளை ஒன்றிய அரசு திரும்பப் பெறாவிட்டால் நீதிமன்றத்தை நாடுவோம் என முதல்வர் மு.க.ஸ்டாலின் தெரிவித்துள்ளார். கல்லூரிகள் இயங்குவது மாநில அரசின் இடத்தில்; பேராசிரியர்களுக்கு ஊதியம் தருவது மாநில அரசு; உதவித்தொகை – ஊக்கத்தொகை – கல்விக் கட்டணச் சலுகை என மாணவர்களுக்கு அனைத்துச் செலவுகளையும் செய்வது நாங்கள். இவ்வளவையும் நாங்கள் செய்ய, எம் பல்கலைக்கழங்களுக்கு வேந்தராக இருந்து நிர்வகிப்பதோ எங்கிருந்தோ வந்த ஆளுநர்! இதையெல்லாம் மிஞ்சும் கொடுமையாக, துணைவேந்தரையும் ஒன்றிய அரசால் அனுப்பப்பட்ட ஆளுநரே நியமிக்கலாம் என்று #UGC தன் விதிகளைத் திருத்துமானால் என்னவாகும் உயர்கல்வியின் நிலை?

தமிழ்நாடு உயர்கல்வியில் முதலிடத்தில் இருப்பதைக் காணப் பொறுக்காத வயிற்றெரிச்சலில் நம்மைக் கீழே தள்ளும் அப்பட்டமான முயற்சிதான் #UGC_Draft_Regulations. இதனை ஒன்றிய அரசு உடனடியாகத் திரும்பப் பெற வலியுறுத்தி, தமிழ்நாடு சட்டப்பேரவையில் ஒருமனதாகத் தீர்மானம் நிறைவேற்றியுள்ளோம். தமிழர்களின் ஒன்றுபட்ட குரலுக்கு ஒன்றிய அரசு செவிசாய்க்காவிட்டால், மக்கள் மன்றத்தையும் நீதிமன்றத்தையும் நாடுவோம்! வெல்வோம் என்று கூறினார்.

The post யுஜிசியின் புதிய விதிகளை ஒன்றிய அரசு திரும்பப் பெறாவிட்டால் நீதிமன்றத்தை நாடுவோம்: முதல்வர் மு.க.ஸ்டாலின் appeared first on Dinakaran.