புரோ கபடி லீக்: குஜராத் ஜெயன்ட்ஸ் அணியை வீழ்த்தி தபாங் டெல்லி வெற்றி

புனே,

11-வது புரோ கபடி லீக் போட்டி புனேவில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோதுகின்றன. லீக் சுற்று முடிவில் டாப்-2 இடங்களை பிடிக்கும் அணிகள் நேரடியாக அரையிறுதிக்கும், 3 முதல் 6-வது இடங்களை பெறும் அணிகள் பிளே-ஆப் சுற்றுக்கும் தகுதி பெறும்.

இதில் இன்று நடைபெற்ற முதல் ஆட்டத்தில் குஜராத் ஜெயன்ட்ஸ் - தபாங் டெல்லி அணிகள் மோதின. விறுவிறுப்பாக நடைபெற்ற இந்த ஆட்டத்தில் தபாங் டெல்லி அணி 45-31 என்ற புள்ளி கணக்கில் குஜராத் ஜெயன்ட்ஸ் அணியை வீழ்த்தி வெற்றி பெற்றது. இந்த வெற்றியின் மூலம் புள்ளிப் பட்டியலில் இரண்டாவது இடத்துக்கு முன்னேறிய தபாங் டெல்லி அணி அரையிறுதிக்கு தகுதி பெற்றது.

தொடர்ந்து நடைபெறும் மற்றொரு ஆட்டத்தில் புனேரி பால்டன்- தமிழ் தலைவாஸ் அணிகள் மோதி வருகின்றன.