புதுச்சேரி மீட்புப் பணிகளுக்கு தயார் நிலையில் மேலும் நான்கு ராணுவ குழுக்கள் 

புதுச்சேரி: புதுச்சேரி வெள்ள மீட்பு மற்றும் நிவாரணப் பணிகளுக்காக இந்திய ராணுவம் கூடுதலாக நான்கு குழுக்களை தயார் நிலையில் வைத்துள்ளது.

புதுச்சேரியில் வெள்ளம் பாதித்த பகுதிகளில் இந்திய ராணுவத்தின் தென்னிந்திய பகுதியில் இருந்து இரண்டு குழுக்கள் கடந்த டிச.1ம் தேதி முதல் மீட்புப் பணியில் ஈடுபட்டு வருகிறது. இந்நிலையில், பெங்களூருவில் உள்ள மெட்ராஸ் இன்ஜினியர்ஸ் பிரிவைச் சேர்ந்த 66 பேர் கொண்ட மற்றொரு குழு செவ்வாய்க்கிழமை நிவாரணப் பொருட்களுடன் சென்னை வந்தடைந்தது. இக்குழு எப்போது தேவைப்பட்டாலும் புதுச்சேரி செல்லும் வகையில் தயாராக வைக்கப்பட்டுள்ளது.