தென்பெண்ணையாறு வெள்ளப் பெருக்கு: கடலூர் - புதுச்சேரி எல்லையில் மதுக் கடைகள் மூடல்

புதுச்சேரி: தென்பெண்ணையாற்றில் வெள்ளப் பெருக்கு ஏற்பட்டுள்ள நிலையில் கலால் துறை உத்தரவையடுத்து, கடலூர் - புதுச்சேரி எல்லை பகுதிகளில் மதுபானம் மற்றும் சாராயக் கடைகள் மூடப்பட்டுள்ளன.

புதுச்சேரி எல்லைப் பகுதிகளில் மதுக்கடைகள் மற்றும் சாராயக்கடைகள், கள்ளுக்கடைகள் ஏராளமானவை இயங்கி வருகின்றன. இங்கு புதுச்சேரியைச் சேர்ந்தவர்கள் மட்டுமின்றி, அதனை ஒட்டியுள்ள தமிழக பகுதிகளைச் சேர்ந்த மது பிரியர்களும் அதிகளவில் வந்து மது குடித்துவிட்டு செல்வதுண்டு. குறிப்பாக கடலூரில் இருந்து புதுச்சேரி எல்லைப் பகுதிக்கு வரும் மதுப் பிரியர்கள் தென்பெண்ணையாற்றின் குறுக்கே உள்ள மேம்பாலம், தரைப்பாலம் வழியாக வந்து மதுகுடித்துவிட்டு செல்வார்கள்.