தென்காசி கோயில் தீ வைப்பு சம்பவம் கடும் கண்டனத்துக்குரியது: இந்து முன்னணி

சென்னை: தென்காசி கோயில் தீ வைப்பு சம்பவம் கடும் கண்டனத்துக்குரியது என்று இந்து முன்னணி மாநில தலைவர் காடேஸ்வரா சுப்ரமணியம் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கையில், “பிரசித்திபெற்ற தென்காசி விசுவநாதர் கோயிலில் 17 ஆண்டுகளுக்கு பிறகு கும்பாபிஷேக திருப்பணி நடைபெற்று வருகிறது. இந்த திருப்பணி வேலைகளுக்காகவும் கோயில் கோபுர வேலைகளுக்காகவும் மரங்கள் கொண்டுவரப்பட்டு சாரம் அமைக்கும் பணி நடந்து வருகிறது. இன்று காலை ஒரு நபர் கையில் 10 லிட்டர் பெட்ரோலுடன் கோயிலுக்குள் அத்துமீறி நுழைந்து சாரம் கட்டுவதற்காக வைக்கப்பட்டிருந்த மரங்கள் மீது பெட்ரோலை ஊற்றி தீயை பற்ற வைத்து கோயிலை சேதப்படுத்த முயற்சி செய்துள்ளார். அந்த பகுதியில் உள்ள கோயில் நிர்வாகிகள் மற்றும் பொதுமக்கள் அவரைப் பிடித்து தடுத்து தீயை அணைத்துள்ளனர்.