தூத்துக்குடியில் ரூ.32.50 கோடி செலவில் அமைக்கப்பட்டுள்ள மினி டைடல் பூங்காவை முதல்வர் திறந்து வைத்தார்

தூத்துக்குடியில் ரூ.32.50 கோடி செலவில் 63 ஆயிரம் சதுர அடி பரப்பளவில் அமைக்கப்பட்டுள்ள மினி டைடல் பூங்காவை தமிழக முதல்வர் மு.க.ஸ்டாலின் நேற்று திறந்து வைத்தார்.

தமிழகத்தில் தகவல் தொழில்நுட்பத் தொழில்களை பெருக்கும் நோக்குடன் முதல்முறையாக கடந்த 2000-ம் ஆண்டு ஜூலை 4-ம் தேதி சென்னையில் மிகப் பெரிய டைடல் பூங்கா திறக்கப்பட்டது. தொடர்ந்து, விழுப்புரம், தஞ்சாவூர், சேலம் ஆகிய இடங்களில் மினி டைடல் பூங்காக்கள் திறக்கப்பட்டன.