“தமிழகம் கோரிய ரூ.37,906 கோடி நிவாரண நிதியில் மத்திய அரசு வழங்கியது ஒரு சதவீதம்கூட இல்லை” - அமைச்சர் தங்கம் தென்னரசு

விருதுநகர்: “ஃபெஞ்சல் புயலால் பாதிக்கப்பட்ட தமிழகம் கோரிய ரூ.37,906 கோடி நிவாரண நிதியில் மத்திய அரசு வழங்கியது ஒரு சதவீதம்கூட இல்லை” என மாநில நிதியமைச்சர் தங்கம் தென்னரசு தெரிவித்துள்ளார்.

இது தொடர்பாக, விருதுநகர் அருகே மல்லாங்கிணரில் உள்ள அவரது இல்லத்தில், நிதியமைச்சர் தங்கம் தென்னரசு இன்று செய்தியாளர்களிடம் கூறியது: "மாநில பேரிடர் நிவாரண நிதிக்காக மத்திய அரசு தனது பங்களிப்பான ரூ.944 கோடியை நேற்று தமிழகத்துக்கு விடுவித்துள்ளது. இந்த நிதியானது, ஃபெஞ்சல் புயல் போன்ற இயற்கைப் பேரிடர்கள் ஏற்படுவதைக் கருத்தில் கொள்ளாமல், ஒன்றிய அரசால் அனைத்து மாநிலங்களுக்கும் 15-வது நிதிக் குழுவின் பரிந்துரைப்படி சட்டபூர்வமாக விடுவிக்கப்பட வேண்டிய நிதியாகும்.