சபரிமலையில் கட்டுக்கடங்காத பக்தர்களின் கூட்டம் எதிரொலி: நிலக்கல்லுக்கு மாற்றப்படும் 7 ஸ்பாட் புக்கிங் கடவுன்டர்கள்

திருவனந்தபுரம்: சபரிமலையில் பக்தர்கள் கூட்டத்தை கட்டுப்படுத்தும் விதமாக பம்பையில் செயல்பட்டு வரும் 7 ஸ்பாட் புக்கிங் கடவுன்டர்களை நிலக்கல்லுக்கு மாற்றம் செய்ய தேவசம் போர்டு முடிவு செய்துள்ளது. சபரிமலையில் மகர ஜோதி தரிசனத்திற்கு இன்னும் 6 நாட்களே உள்ள நிலையில், அங்கு நாள் ஒன்றுக்கு பக்தர்களின் எண்ணிக்கை ஒரு லட்சத்தை நெருங்கியுள்ளது. இதனால் சாமி தரிசனம் செய்ய வரும் பக்தர்கள் பலமணி நேரம் காத்திருக்கும் சூழல் உருவாகியுள்ளது.

இதன் எதிரொலியாக கூட்டத்தை கட்டுப்படுத்தும் நோக்கில் சபரிமலைக்கு அருகில் உள்ள பம்பையில் தற்போது செய்யப்பட்டு வரும் 10 ஸ்பாட் புக்கிங் கடவுன்டர்களில் 7 கவுண்டர்களை நிலக்கல் பகுதிக்கு மாற்ற தேவசம் போர்டு அதிகாரிகள் முடிவு செய்துள்ளனர். மகர ஜோதி தரிசனம் 14ம் தேதி நடைபெறவுள்ள நிலையில், வரும் 12 முதல் 14ம் தேதி வரை ஸ்பாட் புக்கிங் எண்ணிக்கையை குறைக்கவும் முடிவு செய்யப்பட்டுள்ளது.

The post சபரிமலையில் கட்டுக்கடங்காத பக்தர்களின் கூட்டம் எதிரொலி: நிலக்கல்லுக்கு மாற்றப்படும் 7 ஸ்பாட் புக்கிங் கடவுன்டர்கள் appeared first on Dinakaran.