சத்தீஷ்கரில் சுக்மா-பிஜாப்பூர் எல்லையின் வனப்பகுதியில் நடந்த என்கவுன்டரில் 3 நக்சலைட்டுகள் சுட்டுக் கொலை

ராய்ப்பூர்: சத்தீஷ்காரில் நடந்த என்கவுன்டரில் 3 நக்சலைட்டுகள் சுட்டுக் கொல்லப்பட்டுள்ளனர். இந்தியாவில் நக்சலைட்டுகள் ஆதிக்கம் மிகுந்த மாநிலங்களில் ஒன்றாக சத்தீஷ்கார் உள்ளது. இம்மாநிலத்தில், நக்சலைட்டுகள் நடமாட்டம் அதிகம் உள்ள பகுதிகளில் சிறப்பு அதிரடிப்படை வீரர்கள் தேடுதல் வேட்டையில் ஈடுபட்டு வருகிறார்கள். நக்சலைட்டுகளுக்கு எதிரான இந்த தேடுதல் நடவடிக்கையின் போது அவ்வப்போது பாதுகாப்பு படையினருக்கும் நக்சலைட்டுகளுக்கும் இடையே என்கவுன்டர் நடைபெறுகிறது. அந்த வகையில், சத்தீஷ்காரில் உள்ள சுக்மா-பிஜாப்பூர் எல்லையின் வனப்பகுதியில் நக்சலைட்டுகள் நடமாட்டம் இருப்பதாக பாதுகாப்புப்படையினருக்கு தகவல் கிடைத்தது.

இதையடுத்து, அந்த இடத்தை சுற்றி வளைத்து தீவிர தேடுதல் வேட்டையில் பாதுகாப்புப்படையினர் ஈடுபட்டனர். அப்போது, அங்கு மறைந்திருந்த நக்சலைட்டுகளுக்கும், பாதுகாப்புப்படையினருக்கும் இடையே இன்று காலை துப்பாக்கி சண்டை வெடித்தது. இந்த மோதலில் நக்சலைட்டுகள் 3 பேர் கொல்லப்பட்டனர். சுட்டுக்கொல்லப்பட்ட 3 நக்சலைட்டுகளின் உடல்கள் மற்றும் ஆயுதங்கள் மீட்கப்பட்டுள்ளன. உடல்களை அடையாளம் காணும் பணி நடைபெற்று வருகிறது. மேலும் சில நக்சலைட்டுகள் அப்பகுதியில் பதுங்கியிருக்கலாம் என்ற சந்தேகத்தில் பாதுகாப்புப்படையினர் அங்கு தேடுதல் நடவடிக்கையில் ஈடுபட்டுள்ளனர்.

The post சத்தீஷ்கரில் சுக்மா-பிஜாப்பூர் எல்லையின் வனப்பகுதியில் நடந்த என்கவுன்டரில் 3 நக்சலைட்டுகள் சுட்டுக் கொலை appeared first on Dinakaran.