கோபி அருகே இடி விழுந்து தென்னை மரம் தீப்பிடித்து எரிந்தது

கோபி, நவ.16: கோபி அருகே உள்ள ஓலப்பாளையத்தில் இடி விழுந்ததில் தென்னை மரம் தீப்பிடித்து எரிந்தது. கோபி மற்றும் அதைச்சுற்றி உள்ள மொடச்சூர், வடுகபாளையம், வேட்டைகாரன் கோயில், புதுப்பாளையம், நல்லகவுண்டன்பாளையம், நஞ்சகவுண்டன் பாளையம், மேட்டுவலுவு, கரட்டூர் உள்ளிட்ட பல்வேறு பகுதிகளிலும் காலை முதல் வெயிலின் தாக்கம் அதிகளவில் இருந்தது.

இந்நிலையில், நேற்று மாலை திடீரென கோபி பகுதியில் பலத்த இடி மின்னலுடன் மழை பெய்தது. அப்போது, வேட்டைகாரன் கோயில் அருகே உள்ள ஓலப்பாளையத்தை சேர்ந்த பூங்கொடி என்பவரது தோட்டத்தில் இருந்த சுமார் 50 அடி உயரமுள்ள தென்னை மரத்தின் மீது இடி விழுந்தது. இதில், தென்னை மரம் தீப்பற்றி எரிந்து சேதமானது.

The post கோபி அருகே இடி விழுந்து தென்னை மரம் தீப்பிடித்து எரிந்தது appeared first on Dinakaran.