கட்டுமான பொருட்களை திருடியவர் கைது

தர்மபுரி, அக்.10: அதியமான்கோட்டை அடுத்த அதகப்பாடி பகுதியை சேர்ந்தவர் சேட்டு(39), கட்டிட மேஸ்திரி. இவர் ஒட்டப்பட்டியில் புதியதாக வீடு கட்டும் பணியில் ஈடுபட்டிருந்தார். இதற்காக அந்த பகுதியில் இரும்பு கம்பி, ஜாக்கி ஆகியவற்றை வாங்கி வைத்திருந்தார். இந்த நிலையில், கடந்த 2 நாட்களுக்கு முன்பு அங்கிருந்த 2 ஜாக்கியை மர்மநபர் திருடிச்சென்றார். இதுபற்றி சேட்டு அதியமான்கோட்டை போலீசில் புகார் அளித்தார். அதன்பேரில் போலீசார் வழக்குபதிவு செய்து, விசாரணை மேற்கொண்டனர். மேலும், அந்த பகுதியில் உள்ள வீடு, கடைகளில் பாதுகாப்பிற்காக பொருத்தப்பட்டு உள்ள சிசிடிவி கேமராக்களை ஆய்வு செய்தனர். அதில், மர்மநபர் கட்டுமான பொருட்களை திருடிச் செல்லும் காட்சி பதிவாகியிருந்தது. விசாரணையில் அவர் பட்டகப்பாடியை சேர்ந்த தனசேகரன்(40) என்பது தெரியவந்தது. இதையடுத்து அவரை கைது ெசய்த போலீசார், அவரிடமிருந்த 2 ஜாக்கிகளை பறிமுதல் செய்தனர்.

The post கட்டுமான பொருட்களை திருடியவர் கைது appeared first on Dinakaran.